Davlat tiliga hurmat – har birimizning burchimiz

Batafsil: Yaratildi: 24.09.2020 16:21 Tahrirlandi: 24.09.2020 16:22 Ko'rishlar soni: 539

Yurtboshimizning mustaqilligimizning 29 yilligi munosabati bilan o‘tkazilgan tantanali marosimdagi nutqida taʼkidlagan “Milliy davlatchiligimiz va o‘zligimiz timsoli bo‘lgan ona tilimizni rivojlantirish bu borada eng muhim yo‘nalish bo‘lib qoladi. Xudo xohlasa, bu yil 21 oktyabr – O‘zbek tili bayrami kunini butun mamlakatimiz miqyosida keng nishonlaymiz” - degan so‘zlari zamirida tilimizga katta hurmat mujassamdir. Barchamizga maʼlumki, til – millat maʼnaviyatining mustahkam poydevoridir. Jamiki ezgu fazilatlar, eng avvalo inson qalbiga ona allasi, ona tilining betakror jozibasi orqali singadi. Bu borada Abdulla Avloniy taʼkidlaganidek, har bir millatning dunyoda borligini ko‘rsatadigan oyinai hayoti – bu uning milliy tili va adabiyotidir.

23 сентября

Navoiy kon-metallurgiya kombinati mamlakatimizdagi eng yirik sanoat korxonasi hisoblandi. Keyingi yillarda kombinatda ko‘plab ishlab chiqarish standartlari va texnik yo‘riqnomalar, terminlar, mehnat xavfsizligi qoidalari kabi hujjatlar davlat tiliga tarjima qilindi. Ularning asosiy qismi lotin yozuviga asoslangan o‘zbek alifbosidadir. Ammo hali ko‘plab ishlarni amalga oshirishimiz kerak.

Yaqinda kombinat tizimidagi bo‘linmalarda O‘zbekiston Respublikasining “Davlat tili haqida”gi Qonuni, O‘zbekiston Respublikasi Prezidentining “O‘zbek tilining davlat tili sifatidagi nufuzi va mavqeini tubdan oshirish chora-tadbirlari to‘g‘risida”gi Farmoni hamda sohaga oid boshqa qonun hujjatlari talablariga rioya etilishi ahvoli Ishchi guruhi tomonidan o‘rganildi. Jumladan, Janubiy kon boshqarmasi, 5-kon boshqarmasi, “1-gidrometallurgiya zavodi” kon boshqarmasi, Navoiy mashinasozlik zavodi, Markaziy moddiy-texnika bazasi, Markaziy ilmiy-tadqiqot laboratoriyasi, “Do‘stlik” agrofirmasi, Tibbiy-sanitariya bo‘limi, Geologiya-qidiruv ekspeditsiyasi, Uy-joy kommunal boshqarmasi kabi bo‘linmalarda ish yuritish hujjatlari hamda devonxonadagi kirish-chiqish xatlarining davlat tilida yuritilishi, bino va uning hududida joylashtirilgan targ‘ibot vositalari holati o‘rganildi.

O‘rganishlar davomida bo‘linmalardagi kirish-chiqish xatlari, meʼyoriy hujjatlar va targ‘ibot-tashviqot bannerlari, bino peshtoqlari va eshiklaridagi yozuvlar ko‘zdan kechirildi. Aniqlangan kamchiliklar bo‘yicha joyida tasviyalar berildi va ular bartaraf etilib, maʼnaviy eskirgan targ‘ibot vositalari yangisiga almashtirildi.

Kombinat bo‘linmalaridagi korxona va zavodlarga kirish joylari, bino peshtoqlaridagi targ‘ibot vositalari lotin yozuviga asoslangan o‘zbek alifbosida berilishi yo‘lga qo‘yildi. Bu borada hali ko‘plab ishlarni amalga oshirish, ayniqsa kadrlar, devonxona, hisobxona va xo‘jalik ishlarining yuritilishidagi kamchiliklar aniqlandi. Ularni bartaraf etish bo‘yicha tavsiyalar berildi.

Kombinatda davlat tilida ish yuritish bo‘yicha masʼul ishchi-xodimlarning malakasini oshirish, tilimizning imloviy qoidalariga oid bilimlarini oshirish masalalariga alohida eʼtibor qaratilmoqda. Shu maqsadda Alisher Navoiy nomidagi o‘zbek tili va adabiyoti universiteti huzuridagi Davlat tilida ish yuritish asoslari va malaka oshirish markazining Navoiy davlat pedagogika instituti huzuridagi markazida o‘quv kurslari tashkil etilib, yil yakuniga qadar 40 nafar xodimning malaka oshirishi rejalashtirilgan.

Tilimizni eʼzozlash, uning davlat tili sifatidagi maqomi, jamiyatdagi mavqeini yuksaltirish, davlat tiliga hurmat bilan munosabatda bo‘lish har birimizning burchimizdir.

Xolmamat RAUPOV,

NKMK bosh direktori maslahatchisi.

Mavzuga oid yangiliklar

KOMBINAT MAHSULOTINING YUKSAK E’TIROFI

28.09.2017 08:36 4365

BUTUNJAHON INTELLEKTUAL MULK TASHKILOTI NKMK IXTIROCHILARINI OLTIN MEDAL BILAN TAQDIRLADI

28.09.2017 08:41 4321

YOZ-2017 NATIJALARI YAKUNLANDI

28.09.2017 09:52 3016

YOSHLAR BILAN ISHLASH – IFTIXOR VA DARKOR

02.10.2017 09:32 2793

SHAXSIY NAMUNA – ENG YAXSHI NAMUNA

02.10.2017 09:34 2231



KOMBINAT MAHSULOTINING YUKSAK E’TIROFI

KOMBINAT MAHSULOTINING YUKSAK E’TIROFI

Yevropa Sifat tadqiqotlari jamiyati dunyoning ishlab chiqarish korxonalari, tashkilot va oliy ta’lim muassasalarini xalqaro sifat talablari darajasidagi faoliyati…

BUTUNJAHON INTELLEKTUAL MULK TASHKILOTI NKMK IXTIROCHILARINI OLTIN MEDAL BILAN TAQDIRLADI

BUTUNJAHON INTELLEKTUAL MULK TASHKILOTI NKMK IXTIROCHILARINI OLTIN MEDAL BILAN TAQDIRLADI

Biz Navoiy kon-metallurgiya kombinati jahonda o‘ziga xos nufuzga ega ekanligini hamisha faxrlanib gapiramiz. Yaqinda korxona mutaxassislarining konchilik sohasidagi…

Yangiliklarga obuna bo'lish