ҲАМ САЁҲАТ, ҲАМ ЗИЁРАТ

Самарқанд – Ўзбекистоннинг туризм соҳаси бўйича катта салоҳиятга эга тарихий шаҳарларидан бири. Шарқ дурдонаси дея таъриф этилган кўҳна кент номи билан машҳур вилоят ҳудудида 1105 археологик, 670 меъморий, 37 диққатга сазовор маскан, 18 монументал, 21 мемориал, жами 1851 та моддий-маданий мерос объектлари мавжуд.

Навоий кон-металлургия комбинати касаба уюшмалари Кенгаши мустақиллигимизнинг 28 йиллиги байрами кунларида ишчи-ходимларнинг юртимизнинг диққатга сазовор тарихий масканларига мазмунли саёҳатларини ташкил этди.  

- Комбинат маъмурияти ва касаба уюшмалари Кенгаши томонидан уюштирилган саёҳатда мен Самарқанднинг Имом Бухорий, Хўжа Дониёр зиёратгоҳлари, Улуғбек расадхонаси, Регистон каби қадамжоларига бориб, бир олам таассуротлар олдим, - дейди НКМК Ахборот-коммуникация технологиялари бошқармаси муҳандиси Бахтиёр Мусаев.

Мусулмонлар зиёрат қилиши лозим бўлган бир қанча ислом дини ва таълимоти вакиллари, силсилаи олийга мансуб авлиёлар ва бошқа улуғ зотларнинг мақбаралари Самарқандда жойлашган. Хусусан, ислом динида Қуръони Каримдан кейинги иккинчи ўринда турувчи “Саҳиҳи Бухорий” китоби билан машҳур Имом Бухорий, дунёдаги энг катта калом мактабларидан бирининг асосчиси Имом Мотурудий, силсилаи олийга мансуб Хўжа Аҳрори Валий, Пайғамбаримиз Муҳаммад (с.а.в)нинг амакиваччаси Қуссам ибн Аббос (Шахизинда мажмуаси) ва бошқа улуғ зотларнинг мақбаралари шулар жумласидан.

- Самарқанд вилоятига ҳар йили хорижлик сайёҳлардан ташқари, миллион нафардан ортиқ маҳаллий сайёҳлар ташриф буюради. Шу боис бу ерда тарихий-маданий, шу билан бир қаторда эко, агро, гастрономик, экстремал ва бошқа туризм йўналишларини ривожлантиришга алоҳида эътибор қаратилмоқда. Айниқса, шаҳримиз зиёрат туризми йўналишида жуда катта салоҳиятга эга, – дейди бизга ҳамроҳлик қилган политолог олим Шуҳрат Жабборов.

Жонажон Ўзбекистонимиз тарихий қадамжоларига бой Самарқанд, Бухоро, Тошкент, Хива, Шаҳрисабз каби бетакрор шаҳарлари билан бутун дунёда маълум ва машҳурдир.

Президентимиз Шавкат Мирзиёевнинг “2018 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги фармонига мувофиқ мустақиллик байрами муносабати билан берилган қўшимча дам олиш кунлари эвазига Истиқлол шодиёналари кунлари юртимизнинг турли зиёратгоҳлари, қадимий шаҳарлари, хушманзара гўшалари саёҳатчилар билан гавжум бўлди. НКМК касаба уюшмалари Кенгаши томонидан ташкил этилган саёҳатда бир минг 234 нафар ишчи-ходим Бухоро, Самарқанд, Хива каби қадим кентларини зиёрат қилишди.

Азамат ЗАРИПОВ.

Муаллиф олган суратлар.

Mavzuga oid yangiliklar

KOMBINAT MAHSULOTINING YUKSAK E’TIROFI

Yevropa Sifat tadqiqotlari jamiyati dunyoning ishlab chiqarish korxonalari, tashkilot va oliy ta’lim muassasalarini xalqaro sifat talablari darajasidagi faoliyati…

28.09.2017 08:36

2445

BUTUNJAHON INTELLEKTUAL MULK TASHKILOTI NKMK IXTIROCHILARINI OLTIN MEDAL BILAN TAQDIRLADI

Biz Navoiy kon-metallurgiya kombinati jahonda o‘ziga xos nufuzga ega ekanligini hamisha faxrlanib gapiramiz. Yaqinda korxona mutaxassislarining konchilik sohasidagi…

28.09.2017 08:41

2405

YOZ-2017 NATIJALARI YAKUNLANDI

Joriy yilning 8 sentyabr kuni “Farhod” madaniyat saroyida viloyatimizdagi shahar va shahar tashqarisidagi bolalar oromgohlarida yozgi sog‘lomlashtirish…

28.09.2017 09:52

1904

YOSHLAR BILAN ISHLASH – IFTIXOR VA DARKOR

“Navoiy mashinasozlik zavodi” ishlab chiqarish birlashmasi ko‘p yillik boy tarixga ega. Uning bo‘linmalarida mashinasozlik sohasining turli yo‘nalishlari bo‘yicha…

02.10.2017 09:32

1739

SHAXSIY NAMUNA – ENG YAXSHI NAMUNA

O‘qituvchilar va ustozlar bayrami arafasida nafaqat ta’lim sohasida faoliyat yuritayotgan insonlarga, balki qaysi sohada bo‘lmasin o‘z bilim va tajribasini yoshlarga sidqidildan…

02.10.2017 09:34

1178