НДКИ ЖАМОАСИ – “ЗАКОВАТ” ИНТЕЛЛЕКТУАЛ ЎЙИНИ ҒОЛИБИ

Ўзбекистон кончилик ва металлургия саноати ходимлари куни муносабати билан Навоий шаҳридаги Навоий кон-металлургия комбинати тарихи музейида “Заковат” интеллектуал ўйини бўлиб ўтди.

Мамлакатимизда аҳоли, айниқса, ёшларнинг китобга қизиқишини ошириш, мутолаа маданиятини юксалтиришга алоҳида эътибор қаратилиб, бу борада барча шароит ва имкониятлар яратилмоқда. Хусусан, Давлатимиз раҳбари томонидан илгари сурилган 5 та муҳим ташаббуснинг тўртинчиси ёшлар маънавиятини юксалтириш, улар ўртасида китобхонликни кенг тарғиб қилишдир. Интеллектуал ўйинда Навоий давлат кончилик институти, “1-ГМЗ” кон бошқармаси, Навоий машинасозлик заводи, Тиббий-санитария бўлими, Уй-жой коммунал бошқармаси ва комбинат бошқармасининг ёш ходимларидан иборат жамоалар иштирок этди.

– Ушбу тадбирни ўтказишдан мақсад аввало, ёшларни китобхонликка бўлган қизиқишини янада ошириш, уларни бадиий адабиётга бўлган муносабатини яхшилашдан иборат, – дейди НКМК Маънавият ва маърифат маркази раҳбари, ҳакамлар ҳайъати раиси Холмамат Раупов.  

Саволлар кончилик тарихи ҳамда ўзбек ва жаҳон адабиётининг сара асарларидан берилди. Интеллектуал ўйинда барча жамоалар фаол иштирок этиб, ўз билимларини янада мустаҳкамлади.

– Китобсиз уй – қалбсиз вужуд кабидир. Абдулла Қодирий, Ўткир Ҳошимов каби улуғ адибларимизнинг асарларини севиб мутолаа қиламан. Китобга бир маротаба ошно бўлиб, ўқиш лаззатини сезган киши, ундан бир умр воз кеча олмайди, – дейди комбинат бошқармаси гуруҳи сардори Алишер Ашуров.

Якунда, кончилик институти жамоаси вакилларига тенг келадиган рақиб топилмади. Комбинат бошқармаси иккинчи ўринни қўлга киритган бўлса, Тиббий санитария бўлими учинчи ўринга лойиқ кўрилди.

Ғолиб ва фаол иштирок этган жамоаларга эсдалик совғалари-китоблар ҳамда дипломлар топширилди.

НКМК матбуот маркази.

Mavzuga oid yangiliklar

KOMBINAT MAHSULOTINING YUKSAK E’TIROFI

Yevropa Sifat tadqiqotlari jamiyati dunyoning ishlab chiqarish korxonalari, tashkilot va oliy ta’lim muassasalarini xalqaro sifat talablari darajasidagi faoliyati…

28.09.2017 08:36

2601

BUTUNJAHON INTELLEKTUAL MULK TASHKILOTI NKMK IXTIROCHILARINI OLTIN MEDAL BILAN TAQDIRLADI

Biz Navoiy kon-metallurgiya kombinati jahonda o‘ziga xos nufuzga ega ekanligini hamisha faxrlanib gapiramiz. Yaqinda korxona mutaxassislarining konchilik sohasidagi…

28.09.2017 08:41

2563

YOZ-2017 NATIJALARI YAKUNLANDI

Joriy yilning 8 sentyabr kuni “Farhod” madaniyat saroyida viloyatimizdagi shahar va shahar tashqarisidagi bolalar oromgohlarida yozgi sog‘lomlashtirish…

28.09.2017 09:52

2016

YOSHLAR BILAN ISHLASH – IFTIXOR VA DARKOR

“Navoiy mashinasozlik zavodi” ishlab chiqarish birlashmasi ko‘p yillik boy tarixga ega. Uning bo‘linmalarida mashinasozlik sohasining turli yo‘nalishlari bo‘yicha…

02.10.2017 09:32

1842

SHAXSIY NAMUNA – ENG YAXSHI NAMUNA

O‘qituvchilar va ustozlar bayrami arafasida nafaqat ta’lim sohasida faoliyat yuritayotgan insonlarga, balki qaysi sohada bo‘lmasin o‘z bilim va tajribasini yoshlarga sidqidildan…

02.10.2017 09:34

1286